油漆工程中一般有三個類別，最貴嘅係剷底批灰翻油、其次係執灰翻油、最後到直接翻油，選擇邊種工程類別視乎牆身情況，並非單純睇牆身年紀，剷底批灰翻油作為最貴嘅油漆工程，雖然唔同公司有唔同報價，本文綜合五間油漆工程公司及裝修平台嘅報價，整理左剷底批灰翻油嘅費用範圍，當然只作參考，實際報價必須以上門勘察後為準。
剷底批灰翻油工程費用範圍
| 單位實用面積 | 工程每呎價錢 |
| 300呎以下 | HKD$88-HKD$95/呎 |
| 300呎-600呎 | HKD$80-HKD$85/呎 |
| 601呎-800呎 | HKD$76-HKD$80/呎 |
| 800呎以上 | HKD$72-HKD$78/呎 |
執灰翻油工程費用範圍
| 單位實用面積 | 工程每呎價錢 |
| 300呎以下 | HKD$35-HKD$38/呎 |
| 300呎-600呎 | HKD$30-HKD$35/呎 |
| 601呎-800呎 | HKD$28-HKD$30/呎 |
| 800呎以上 | HKD$25-HKD$28/呎 |
直接翻油工程費用範圍
| 單位實用面積 | 工程每呎價錢 |
| 300呎以下 | HKD$28-HKD$35/呎 |
| 300呎-600呎 | HKD$26-HKD$30/呎 |
| 601呎-800呎 | HKD$24-HKD$28/呎 |
| 800呎以上 | HKD$23-HKD$26/呎 |
費用包括師傅工錢、批灰物料的費用（以上全為傳統菜膠福粉）、油漆費用、維護及清潔。
剷底批灰翻油工程標準步驟
剷底即砍掉，批灰即重練，所以剷底批灰翻油工程即將牆身情況「砍掉重練」，舊有的牆灰及油漆將會被徹底移除，再依循標準步驟重塑牆身。
如牆身出現以下情況，最好選擇剷底批灰翻油工程
- 牆身出現水印（即有滲漏）
- 牆身發霉，黴菌肆虐
- 牆身出現裂縫
- 牆身多處剝落
- 防潮油
當剷走所有舊漆、牆灰後，石屎場將重見天日，第一步驟必須先塗上防潮油，有人認為塗上防潮油牆身就唔會受潮，大錯特錯，防潮油只係避免施工現場潮濕，影響批牆物料的耐用度，尤其施工期於春、夏兩季更加重要。 - 石膏灰
視乎牆身情況，一般應用於藝術牆面批盪，但亦應用於空心牆情況，由於價格比較高，難以用於全屋批盪。 - 批灰
傳統上起用菜膠福粉，因為施工容易、容易打磨，缺點係因為菜膠福粉屬有機物，防潮力低易發霉，但成本低令佢依然係油漆工程最常見嘅批灰物料。
防潮批灰物料現時起用膩子灰，政府部門及新建公營房屋都開始以膩子灰批牆，膩子灰耐水性強不易發霉，但成本較高，而且打磨較菜膠福粉困難，因為質地比較硬，作為牆身防潮第一度閘口漸漸走進大眾視野。
- 底漆
批牆物料乾透後，上牆面漆之前要先上一層底漆，底漆亦不防潮，只是有助加強牆面漆嘅附著力及減少牆面漆嘅色差。 - 牆面漆
待底漆乾透，最後塗上牆面漆，牆面漆可選擇功能性油漆，如環保淨味五合一油漆、防霉油漆、抗菌油漆等，一般會上兩層牆面漆，之後就可折除入牆傢俬的保護及進行清潔工作。 - 執漏
收貨前執漏不可或缺，一般裝修工程公司會有職員或師傅陪同執漏，業主如發現不滿意的地方可即場指出，油漆師傅會安排最後修補。
而執灰翻油及直接翻油大致相同，只係執灰翻油上油前會針對小部分牆灰剝落鬆脫先作修補，有機會需裂局部剷走舊漆再上油，輕微滲水或起樸不需全面剷底，可以執灰翻油解決。
直接翻油係不移除舊漆，直接髹上新油漆，一般適用於新批盪、新樓牆身轉顏色或轉用功能性油漆，但要留意舊油漆的色系有機會導致新油漆出現色差。
油漆工程可否DIY
油漆翻新最平嘅當然係DIY，費用只有物料及工具，如果純粹直接翻油，你只需準備下列必須品：
- 油轆、油漆托盤
- 油漆桶、油漆掃
- 木棍及攪拌油漆的容器
- 底漆及乳膠漆
當然，DIY之前最好先清潔牆身，如不平整處要先以砂紙打磨，然後使用膠紙、報紙等對地面、傢俬、窗邊、電制開關等地方進行保護，上油前根據指引對油漆進行稀釋，順序是先油天花板，上油前要對牆身作保護，以免油天花板時油漆滴落弄污牆身，而油牆嘅方向應該由下至上，以免油漆滴落，油漆盡量均勻髹上，但遇上牆身情況欠佳，建議搵專業師傅團隊代勞，避免嘥功夫、時間同金錢。
如果擔心個別油漆工程公司質素問題，可以選擇裝修工程平台，平台會對裝修工程公司或師傅進行篩選，而且會協助進行監察，杜絕所有爛尾的風險。
裝修工程平台選擇：
有需要的業主們可以透過以上裝修平台獲取工程報價。