跨境電商平台、香港公司餐廳、網頁設計工具推薦

到會服務紛紛於klook、Deliveroo等飲食平台上架，可見需求日漸增加，由於平台資料豐富，見到有到會服務一般貪方便會響平台訂購，好處係供應商選擇多，但其實透過飲食平台訂到會同直接向到會公司訂購無論優惠、服務或便利性都有明顯分別，到會平台不會告訴你的5件事，作為顧客嘅你必須知道。 1. 到會平台收費較高 Klook、Reubird到會好唔好？由於到會平台有如中介人，上架嘅到會美食價格一般會被提高，大家都知道，不論餐廳或到會供應商，每單被抽佣金高達30%，所謂羊毛出自羊身上，部分成本差價當然會轉嫁俾消費者，有別於外賣平台，好多餐廳都冇外賣服務，更加唔會有便捷嘅訂購系統，所以外賣平台充當咗呢個角色，價錢上嘅調整亦係理所當然，但到會服務公司一般都有提供多元化落單系統，如網上訂購、電話訂購、whatsapp落單等等，外送服務亦係基本配備，透過到會平台所付嘅差價其實係冇必要，不如直接向該到會公司訂購。 2. 訂購餐點彈性低 一般到會平台如Klook、Reubird，上架既到會套餐一般唔接受更改，客服方面欠缺人性化，例如到會套餐嘅某項食物想更換其他食品，於到會平台一般係做唔到，因為平台唔係食品製作方，只有直接向到會公司訂購嘅時候提出要求先可以實現，另外到會平台食品嘅選擇少，好多新產品不能同步到到會平台，變相少左好多款式選擇。 3. 服務有限制影響飲食體驗 舉個例子，大家都知道到會食品必需經過運送，而到會套餐踏入送貨時間，食品嘅運送情況係顧客非常關注嘅問題，或者發現到會套餐送漏嘢，透過到會平台訂購所有查詢必須先經過平台客服，再由客服代顧客提出查詢，尤其大時大節，未必可以及時處理顧客查詢，就好似klook到會咁，一般都需以電郵查詢，而顧客亦要等待平台回覆，一來一回費時失事，不如直接向到會公司訂購到會美食，有咩事直接向該服務商查詢。 4. 錯失所有優惠 大部分到會公司都設有會員制，迎新優惠、舊客答謝優惠、節日優惠、購物金或積分制獎賞計劃，透過到會平台訂購將錯失所有到會公司對會員提供嘅優惠，另外，到會公司一般訂購食品後，可以優惠價訂購其他指定食品或飲品，而到會平台將不能同步優惠，始終到會平台只係中間人，任何優惠必須經過平台及到會公司磋商，對訂購者並不公平。 5. 難釐定責任 透過到會平台訂購到會出現漏單嘅情況時有發生，顧客於平台落單，平台會將訂單發送及通知到會公司，如果出現人為疏忽導致訂單漏失，難以追究責任，亦因為所有查詢必須先透過到會平台，到會公司亦難以即時作出補救行動，為省卻以上嘅麻煩，向到會公司直接下單，無論追究責任還是獲得即時幫助都一定最快。 叫得到會美食，好多時涉及活動如生日會，而Party又多人參加，活動時間上都有一定制肘，一但出錯負責訂購果個容易成為眾矢之的，雖然錯失事不關己亦難逃天怒人怨，現時嘅到會公司好多都有自動化系統確認客人每一個訂單，避免出錯，而真人即時whatsapp亦可以響第一時間解決顧客嘅查詢及即時補救，而到會平台亦開始研究出品自家製到會品牌，可見到會平台將難逃式微嘅命運！

Hello 大家好，由於燒賣關注組推薦 （佢哋比 4/5星星），今日小編親身嚟到九龍長沙灣昌華街20號金華閣地下1號舖 – 金華美食，睇吓呢間小食店點解可以做到咁出名，推薦吓比d飲食業朋友參考！ 金華美食主力燒賣，腸粉，魚蛋，粉果，牛肉，但我一個人食唔到咁多，只係叫咗2串燒賣，兩串魚旦試吓，燒賣魚蛋都係十蚊一串 （之前係八蚊，但我覺得價錢都算合理）食落口就feel到細個戲院門口走鬼檔嘅味道，魚旦係陳皮魚旦，我叫咗辣魚蛋，有啲後悔，因為真係超級難，但係係真係好味嘅，大家唔食得辣千祈唔好叫辣魚蛋。 跟住就到戲肉 – 燒賣 金華美食d燒賣好大粒，口感煙韌，蒸得夠熱，有魚味，剛剛好呀，最重要係佢個豉油同辣椒油，應該係自家調配，辣椒油椒度剛剛好，成串燒賣浸落去啲豉油度，超級惹味，我比4.5分！ 食飽晒：）下次要試吓佢啲腸粉同埋牛肉！ 大家如果係開小食店，不妨去取吓經！ 地址 : 金華美食 –…

香港作為美食天堂，每年食肆營業額超過2000億港元，飲食業勞動人口有成30萬咁多，數字咁驚人，唔怪得咁多人都想分一杯羹；除此之外，「衣、食、住、行、玩」入面食係其中一項必需品，而飲食業入場門檻相對低，正所謂大有大做細有細做，因此開餐廳就成為左創業既熱門行業之一！ 相信大家同小編一樣，身邊總有一兩個朋友話要開小食店、café、特色餐廳又或者係近年瘋魔全球既茶飲店、珍珠奶茶店等等；但萬事起頭難，又要諗menu、煩請人手、租地方、出牌照等諗到頭都大埋，最怕計錯數失預算，未開門做生意已經要周圍撲水就唔好啦，為左開鋪前做足準備，今次等小編同大家介紹下開食店前有邊幾樣成本你要知同埋點樣計好預算啦！ 租金預算 香港地租金昂貴係人都知，年輕人個個都呻樓貨貴買唔起，商鋪租金就更加唔洗講，成本之高係世界上數一數二，對於有志於飲食業既創業者，更加要好好解讀香港租務市場。 飲食業用到既鋪位類型主要包括：地鋪(街鋪)、樓上鋪、商場鋪、工廠大廈(食品製造工場、工廠食堂)等等，租金貴定平其中一個指標係用呎租去釐定，大家可以比較下心疑鋪位隔離左右最近既租務成交，去定個目標價位同業主爭取角力。租金價錢傾好後，大家最關心一定係按金要俾幾多？一般都以為係2個月按金+1個月上期，小編話你知呢個只係最基本，市場上某D鋪位按金高達6個月，所以一開始睇鋪時就可以問定先，免得傾好晒條款臨簽約時先後知後覺。 街鋪業主要求一般較簡單易傾，遇上大業主或大地產商條款會較多，例如商場鋪位一般會加上物業管理費、冷氣管理費按金等等；正所謂魔鬼藏於細節，睇清楚租約條款先好落筆簽名，好似交還鋪位需唔需要還原俾業主？租金加幅有冇上限？呢D都會影響大家做生意既預算。 裝修預算 裝修成本對創業初哥黎講係比較難預算既一環，年輕一點可能連住宅裝修都未接觸過；餐廳裝修費裡面可能包含了設計費、廚房爐具硬件、傢俬設備、冷氣系統、風火水電煤工程等等；甚至乎包埋申請食物、消防牌照等俗稱一條龍服務。 咁多樣野睇到頭都大埋，新聞又睇見唔少裝修騙案、爛尾工程，自己又未必樣樣精通既情況下，究竟點樣可以計好裝修budget？ 大家又唔洗太擔心，其實好似平時買野shopping咁，最緊要貨比三家，問多幾間睇多幾間，分開唔同項目搵相關公司報價睇睇，又或者夾埋黎搵承包一條龍既公司睇睇；詳細報價裡面都會詳列明所有項目包括傢俬訂製、設備等裝修的每項價錢，細至安裝一個電掣位價錢都有，咁樣就可以逐個細節比較不同公司收費，選取一間價錢合理既公司。 雜費 大家千萬唔可以睇少雜費呀，好多時用凸左錢out budget就係計漏左呢項；大小雜費加加埋埋可以係好驚人數字，開鋪前一定要坐定定列晒出黎，唔好大意！ 做實體生意要有商業登記(BR)走唔甩，成立不同類別公司有唔同費用；選好鋪位除左鋪位按金，仲要繳交水、電、煤按金，金額一般按單位面積大小計算，可以向相關部門查詢；另外，做食肆要附合各政府部門要求，例如食牌、酒牌、消防證書、勞功保險等費用，需要時仲可能用到牌照顧問公司；其餘仲有生財工具、餐飲管理系統(POS)、CCTV、開業前採購食材、餐具、消耗品、而保留一定流動資金亦都係好重要，一旦預上問題未能如期開業又或者開張初期生意不似預期都有筆錢係度打下防守戰嘛。 創立一般生意真係唔容易，特別係行外人踏足入黎就更加吃力，即使行內人都未必有好大優勢，例如好多廚藝好好又或者本身係廚師都有想過開食店，但佢地對於其他方面如營運管理、人力資源、行政會計、宣傳技巧等經驗不足，一樣會遇上好多問題；英國著名廚師Jamie Oliver所創立既飲食集團亦因管理不善、過度擴張，最後需要申請破產保護而把分店逐一結業。 無論遇上問題有幾多，小編相信只要有熱情，勿忘初心，終可以排除萬能一路前進，方法總比困難多；，事前計劃多完美都好，到實行時就會有問題出現，期間需要不斷改善求變、了解市場需要，永遠抱著謙虛既心學習新事物，正如Apple創辦人Steve Jobs所講：「Stay…